اى حاجة

حياتنا اصبحت اى حاجة .. انت حياتك اى حاجة وانا حياتى اى حاجة وكله حياته اى حاجة

الدنيا فعلا بقت غريبة جدا كلها تناقضات مش مجرد كده بس دى بقت اى كلام فى اى حتة

بدأت الكلام معاهم (كل على حدة) عن ظروف الحياة (انا من اصحاب الدخل المتوسط )فيهم . وبدأ صديق يحكى لى وهو سعيد انه استطاع شراء موتوسيكل دايون بالتقسيط مما اثر على دخله الشهرى كثيرا حيث يدفع 500 جنيه شهريا او اقل كقسط وطبعا مزنوق!! .

تكلم اخر انه يبذر كل دخله ويريد ان يشترى منزلا وسيارة ولا يدرى ماذا يفعل وفى الواقع هو بيعرف يحوش كويس جدا ..ومزنوق !!

واحد تانى واخد 50 الف جنيه قرض من البنك للجواز فمزنوق

التانى واخد 50 الف برضه للعربية فمزنوق

التالت مرتبه زاد فجاب عربية غاليه بالقسط فمزنوق برضه..

الى ان حكى صديق لى عن احدهم (مزنوق برضه) يصل دخله الشهرى 95000 جنيه والراجل مزنوق فعلا واليكم التفاصيل

مرتب 95000
قسط عربية مرسيدس شبح 25000 جنيه
قسط عربية جاكوار(للمدام) 15000 جنيه
قسط مدارس ودروس خصوصية 10000 جنيه
قسط فيلا فى التجمع 20000 جنيه
مصاريف شهرية متنوعة 10000 جنيه

الباقى 15000 جنيه فى الشهر وعلى لسانه .. يعملو ايه ؟؟؟ تفتكر يعملو حاجة