كنت فى كورس فى مصر الجديدة ومروح وكل اما اجى اوقف تاكسى .. امبابة ياسطى مايرضاش
بكلم بيتزا هت الساعة 1 بالليل يبعتولى بيتزا هت ستافت كراست قاللى العنوان فين قلتله امبابة ارض الجمعية .. قاللى مش بننزل امبابه بعد الساعه 12 بالليل
انت ساكن فين .. ارد .. فى امبابة .. ياااه ودى فين دى .. دى شكلها بعيدة اوى
بنتكلم فى السكن والاماكن و و و الخ .. ونفوت على مكان ويطلع واحد يقول الحتة دى بية اوى شبه امبابة
امبابة ياسطى .. فين فى امبابة يا أستاذ .. أرض الجمعية .. اه عند التأمينات .. قلت اه
رد قاللى زمالك امبابة يعنى اتفضل يا أستاذ .. قلتله(فى سرى) ربنا يجبر بخاطرك
1 التعليقات:
كويس انها جابرت و فى حد وافق
إرسال تعليق